எனக்குள் நான் - பயங்கர (டாட்டா ச்சே!) டேட்டா!

வணக்கம் நண்பர்களே,

என்னை இப்படி புலம்ப வைத்த பெருமைக்குரிய பதிவர் http://www.tamilparents.com/  சம்பத்குமார் அவர்களுக்கு மிக்க நன்றி(ஹிஹி!)

பதிவுலகின் பெரிய பெரிய ஜாம்பவான்களை பேட்டி எடுத்தவர்கள், இந்த அமைதியான(!) பதிவரை கண்டு கொள்ளாத காரணத்தால் வருத்தப்பட்ட தக்காளியை தேற்றிய ஒரே மனைவி(!)...அழுகாத செல்லம் நான் இருக்கேன்னு சொல்லி எடுத்த பேட்டி தான் இந்த பயங்கர டேட்டா ச்சே பயோ டேட்டா(சுய புராண விளக்கம்!)

விக்கி மனைவி: பேட்டிய ஆரம்பிக்கலாமா...

விக்கி: சரி பிய்யிங்க...!

பிறந்தது: அரசு மருத்துவமனை எழும்பூர்...சென்னை..

உதித்த நாள்: அக்டோபர் 12....வருடம் - ? = உபயம் tamilvaasi அறிவுரை = வருஷம் சொல்லக்கூடாதாமே!

இயற்ப்பெயர்: வெங்கட்குமார்....பதிவுலக நண்பர்களால் அழைக்கப்படுவது தக்காளி தி கிங் ஒப் சாஸ்!(ஹிஹி!)

பிறந்து வளர்ந்த இடம்: பிறக்கும் போதே வளர்ந்துட்டேன் வளர்ந்து கொண்டே பிறந்துட்டேன்..சாரிங்க...சிங்கார சென்னை(ஏங்க சர்தானே!)

வாழ்விடம்: தற்காலிகமாக புகலிடம் வியட்நாம்...நிரந்தர புகலிடம் சென்னை.

படிப்பு: நெறைய படிச்சிருக்கேங்க...கெடைக்கிற புத்தகம் எல்லாம் படிச்சிருவேன்!

நக்கலு...யோவ் தக்காளி ஒழுங்கா பதில சொல்லு...

சான்றிதழ் கொடுக்கப்பட்ட படிப்பு: இளகலை தத்துவவியல், தூரத்து இடி முழக்கம் மூலமாக முதுகலை வியாபார இயல்...(புரியலயா ஹிஹி!)

வேலை: எந்த வேலைய கேக்குறீங்க..ஒ சம்பளம் கொடுக்கற வேலைய கேக்குறீங்களா...

ஆமாயா வெண்ண(!),

அது வந்துங்க நெறைய வேலை பாத்துட்டேங்க...இப்போ ஒரு இந்திய நிறுவனத்துல மேலாளர் - Infrastructure development projects in Vietnam.

பிடிச்ச விஷயங்கள்: அழகா இருக்க அனைத்தும்(!), இப்போ லேட்டஸ்ட்டா பதிவுலக நண்பர்களின் கள்ளமில்லா அரட்டை!

பிடிக்காதது: உள்ளொன்று வைத்து புறமொன்று பேசுதல்...

சுற்றமும், நட்பும்: நான் என் சுற்றத்தாரை(சொந்தங்கள்!) நம்புவதை விட நண்பர்களை மட்டுமே நம்புவேன்...ஒரு நண்பனை தேர்ந்தெடுக்கும் போது யோசிக்க வேண்டுமே தவிர...அவன் நண்பனான பிறகு அவனை சந்தேகித்தல் கொடுமையானது...(இதுக்கும் விலக்கு உள்ளது!)

காதல்: உங்களுக்கு தான் தெரியுமே...

இல்ல அதை நீங்க மறுபடியும் சொல்லுங்க...

ஹாஹா...எது நடந்ததோ அது நல்லதற்கே நடந்தது...இப்போது எது நடந்து கொண்டு இருக்கிறதோ அதுவும் நல்லதற்கே...

அன்பு, பாசம், நம்பிக்கை: மனைவி..மற்றும் மகன்..

மறக்க முடியாதது: எனக்காக பலர் தங்கள் உயிர்களை துறந்து என்னை இன்னும் வாழ வைத்துக்கொண்டு இருப்பது!

மறக்க நினைப்பது: துரோகங்களை!

சந்தோசம்: நான் வாழும் ஒவ்வொரு நிமிடமும்! (இறைவனின் கொடை இது!)

பலம்: தன்னம்பிக்கை!...முடிந்த வரை வாழ்வில் குறிக்கோள்களை வெல்கிறேனோ இல்லையோ...வறுமையை நிச்சயமா வெல்லுவேன்!

பலவீனம்: தவறோ சரியோ நேரிடையா சொல்லுதல்...(அது பதிவுலகமா இருந்தாலும் தனி உலகமா இருந்தாலும் ஹிஹி!)

கோபம்: இழந்தவை அதிகம்..அதனால் குறைத்துக்கொள்ள முயற்சிக்கிறேன்..,

ஏமாற்றம்: அப்துல்கலாம்!

பிடிச்ச தன்மொழி: அழகானவைகளை ரசிக்க மறக்காதே...ருசிக்க நினைக்காதே!

ரசிப்பது: என் மகனின் சேட்டைகளை...நான் சொல்லிய கதைகளை கொண்டே அவன் அதன் ஊடாக தன்னை இணைத்துக்கொண்டு மறுமுறை வித்தியாசமான கோணத்தில் கதை சொல்வான்!..

பொழுதுபோக்கு; குடும்பத்துடன் ஊர் சுற்றுதல்...பிகர்களை காணும்போது மனைவியை கிண்டல் செய்தல்...(வீட்டுக்கு வந்து பூரிக்கட்டையால் அடி வாங்குதல்!)

பிடித்த சுற்றுலாத்தலம்: ஏற்காடு மற்றும் ஹாலாங்பே(வியட்நாம்)

நிறைவேறாத ஆசை: என்னால் காப்பாற்ற முடியாது போன என் நண்பன் மானிட்டர் மூர்த்தி!

கடவுள்: மனிதனை தாண்டிய அற்புதம்...எல்லா கடவுள்களும்..(என்றும்...நான் இதை செய்கிறேன், நீ அதை செய் என்று வியாபாரத்தனமாக கேட்டது கிடையாது!)

சமீபத்திய பெருமை: என் வியட்நாமிய மழலை(!) பேச்சை பார்த்து வியட்நாமிய நண்பர்கள் குதூகலித்தது!

தற்போதைய சாதனை: 120 கிலோவிலிருந்து 100 கிலோவுக்கு வந்தது ஹிஹி!..(சீக்கிரத்துல 80 கிலோவுக்கு வருவேன்!)

விக்கி மனைவி: இவ்ளோ தான் இருக்கா இன்னும் ஏதாவது...

விக்கி: இல்லீங்க அவ்ளோதான்..விட்ருங்க...

கொசுறு: இந்த தொடரை தங்களை தில்லானவர்கள் என்று சொல்லி வரும்(!) மெட்ராஸ்பவன் சிவா, பிரபாகரனின் தத்துபித்துவங்கள்... பிரபா, வந்தேமாதரம் சசி தொடர்ந்து எழுத சொல்லி அழைக்கிறேன் ஹிஹி..