வந்தார், சென்றார் - அமைதிக்கு மட்டும் நாமா!

வணக்கம் நண்பர்களே...

தஞ்சாவூர் தலையாட்டி பொம்மை...இதை உங்களுக்கு தெரியும் என்று நினைக்கிறேன்...அதுவாவது ஆட்டுவித்தால் கொஞ்சமாவது விசைக்கு ஏற்ப ஆடும்..ஆனால்.....!

என்னய்யா நாடு இது..பக்கத்துக்கு மாநிலத்துக்காரேன் நம்ம பெண்டு புள்ளைங்கள அவமானப்படுதுறான்(!)...எல்லோரும் மூடிக்கிட்டு இருந்தோம்...அமைதி காப்போம் அமேதிய(!) காப்போம்னு சொல்லி கிட்டு திரிந்தோம்!

இப்போ நடு நிர்வாகத்தோட ஆளு இங்க வந்துட்டு ஒரு வார்த்தை பேசாம(!)...முன்னாலும் இந்நாளும் கொடுத்த ரெண்டு குயர் மனுவ வாங்கி போட்டுக்கிட்டு கை ஆட்டிட்டு போயிட்டாரு...

நாமெல்லாம் இந்த நாட்ட சேந்தவங்க தானா...இல்ல ஒதுக்கப்பட்ட மாநிலமா...ஓட்டுக்கு மட்டும் வர்றவங்க கூட ஒத்துமையா சேந்து கொடுத்த காகித விஷயங்கள் இப்போ எந்த டஸ்பின்ல(!) இருக்கோ தெரியல...இதுக்கும் இத்தன நாளா பொங்கி பொங்கி வவுறு புண்ணு வந்தது தான் மிச்சம்...

இங்க உலை பிரச்சன நடந்துக்கிட்டு இருக்கும் போதே..கம்யூனிச நாட்டுல போய் கண்டிப்பா திறந்தே தீருவோம்..இம்புட்டு கோடிய வேஸ்ட் பண்ண முடியாதுன்னு சீரிய சிங்கம்(!)..இங்கன வந்ததும் பம்மாத்து காட்டிட்டு போயிருச்சி...இதுக்கும் எல்லோருமா சேந்து எதிர்ப்பு தெரிவிச்சும் ஒன்னும் நடக்கல..நாங்க செய்யிறத தான் செய்வோம்..உங்களால முடிஞ்சத பாத்துக்கங்கன்னு சொல்லிட்டாங்க போல...

அணை பிரச்சன ஆணை(யானை!) கணக்கா கொழுந்து விட்டு எரிஞ்சிகிட்டு இருக்கு...காய்கறி பரிமாற்றம் இல்ல...மக்கள் பயந்து பயந்து வாழ்ந்துகிட்டு இருக்காங்க...எதிர்ப்புகளை சமாளிக்க முடியாம நாங்களும் ரெளடிதான்னு ஒரு க்ரூப் புலம்பிட்டு திரியிது..

இந்த நிலமையில ரெண்டு நாளு இங்க என்ன கரகாட்டம் பாக்கவா வந்தீங்க ...இல்ல ஜிகினா ஒட்டி கிட்டு டான்ஸ் நடக்குதா..என்னமோ பிரியாணி சாப்பிட வீட்டுக்கு கூப்டது போல சாப்டு கெளம்பி போயிட்டாரு...

கொடி காத்த குமரன தெரியும்..கொடி காட்டக்கூடாதுன்னு பதறிய ஆள தெரியுமா...இம்மாம்பெரிய ஆளு வராரு...மக்கள் கூட்டம் நிரம்பி ஏதாவது எதிர்ப்பு வந்துடப்போகுதுன்னு எல்லாத்தையும் ப்ளான் பண்ணி நடத்தி(!) அனுப்பி வச்சிட்டாங்க...ஆஹா என்னே கடமை உணர்ச்சி...

போங்கப்பா...இனி கடல் நீரை குடிநீரா மாத்தி பயிரை காப்போம்...(இது ஒரு பொழப்பு!)

கொசுறு: இது உங்களின் எதிர்ப்புகளை பதிவு செய்ய வேண்டிய நேரம்...நன்றி!