செல்லங்களை வளக்கலாமா - வியட்நாம்(VN)

வணக்கம் நண்பர்களே...

கொஞ்ச நாளா வீட்ல இருக்க வாண்டை பற்றி எழுதுவதில்லை..உங்களுக்கு குழந்தைகள் பிடிக்கும்னா தொடருங்க..


நான் என் மகனுடன் விடுமுறைகளில் ஊர் சுற்றுவது வழக்கம்(!)...எங்கன பாத்தாலும் பய புள்ளைங்க ஒன்னோட ஒன்னு இச் அடிச்சிட்டு இருக்கறத பாத்துட்டு "லவ் பண்றாங்களாம்" ன்னு 5 வயதுப்பய்யன் சொல்வதை கேட்டு அசட்டு சிரிப்புடன் பதில் சொல்லாமல் நழுவி விடுவது வழக்கம்...


இந்த மாஸ்டருக்கு செல்லப்பிராணிகள் வளக்க வேண்டும் என்று நிரம்ப ஆசை உண்டு..வீட்டுக்காரம்மாவுக்கோ இந்த விஷயம் பாகக்காய் அளவுக்கு கசக்கும் என்பதால் தவிர்த்து வந்தேன்..வீட்டில் செல்லப்பிராணிகளை வளர்ப்பதற்கு தடையில்லை என்றாலும்..


இந்த முறை நகர்வலம் சென்ற போது ஒரு இடத்தில் இருந்த மீன் கடைகளை கண்டதும் குஷியாகிய மாஸ்டர்..எனக்கு இப்பவே வாங்கிட்டு போகணும் வீட்டுக்கு என்று அடம் பிடித்தான்..சரி வாங்கலாம் என்று அருகில் போன எனக்கு அதிர்ச்சி..

பல தொட்டிகளில் மீன்கள், சிறு பச்சை தவளைகள், சிறு ஆமைகள் இருப்பதை கண்டேன்..


என்ன கலர் மீன்கள் வாங்கனும்னு சொல்லுப்பா என்றதும்..


மீன் மட்டும் போதாது...தனி தனியா இன்னும் ரெண்டு கண்ணாடி தொட்டில தவளை ஒன்னுத்துலயும், ஆமை ஒன்னுத்துலயும் வளக்கப்போறேன்னு சொன்னதும்..என் மனைவி என்னை முறைக்க நான் செய்வதறியாது திகைக்க..


இல்ல கண்ணு மீனு மட்டும் தானே வாங்கனும்னு சொன்னே..


அது போனமாசம்..இது இந்த மாசம்னு மாஸ்டர் சொல்ல..ஸ்ஸ் அபா..


(ஏன்டா பாவிகளா விக்கறது தான் விக்குறீங்க வெறும் கலர் மீன்களை மட்டும் வித்தா போதாதா என்று உள்மனம் கேக்க தூண்டியது!)


மூணு முடியாது கண்ணு..வேணும்னா கலர் மீன்கள் மட்டும் வாங்கிக்க என்றதும்..


ஏன்...தவளை, ஆமை வளக்க கூடாதான்னு மாஸ்டர் கேக்க...


ஆமை தரித்துரம்னு வீட்டுக்காரமா சொல்ல...


அது என்னது தரித்துரம் அது எப்படி இருக்கும்னு மாஸ்டர் கேக்க...


(போற போக்குல என்னைய கிறுக்கனாக்கிட்டாங்களேன்னு நெனச்சி நான் கதற!)

முடிவா எதுவும் வாங்காம வந்தாச்சி..


திடு திப்புன்னு நாங்க(மாஸ்டர் இல்லாமல்!) நகர்வலம் போக இப்போது வீட்டுல மீன் தொட்டி வாங்கி வச்சாச்சி..உள்ளார 5 கலர் மீன்கள் உற்பட..இப்ப அந்த கதைய மறந்துட்ட எங்கள் மாஸ்டர்..ஏம்பா என்னைய கூட்டிட்டு போகாம வாங்குனீங்க என்று கேக்க..நான் "ங்கே"!


குழந்தைகளின் கேள்விகளுக்கு பதில் சொல்ல தெரியாத போது தான் நம் கோவம் எல்லை மீறுகிறது...மீண்டும் மீண்டும் அவர்களின் கேள்விகள் மொய்க்க ஆரம்பித்ததும்..அதை எப்படிடா எதிர் கொள்வது என்று தெரியாமல் முழிக்கும் நம்மை குழந்தைகள் என்ன வென்று நினைக்கும்!







கொசுறு; சிக்கு மங்கு சிக்கு மங்கு செக்க பாப்பா...