வாடகை வீடு! Chennai Vs Hanoi

வணக்கம் நண்பர்களே...

சென்னை எனும் நகரத்தை நரகமாக்கிக்கொண்டு இருக்கும் விஷயங்களில் முக்கியமானது இந்த விஷயம் - இதைப்பற்றி வந்த நியூஸ் 


என்னமா முன்னேறி வருகிறோம் நாம்...


பெட்ரோல் விலை வாரத்துக்கு ஒரு முறை உயர்கிறது...


கரண்டு கிடையாது...


தொழில் முடங்கி வருகிறது...


இன்னும் பல...


நிர்வாகம் எப்படி எல்லாம் சுற்றி வளைத்து மின்சார விஷயத்தில் மக்களை அமைதியாக்கிவிட்டது...சரி விஷயத்துக்கு வருவோம்(இதுவரை!)..

சென்னையில் பேச்சு துணைக்கு ஆளில்லாதவர்கள் = பேச்சுலர்களுக்கு தான் வீடு எனும் முடிவுக்கு நிறைய வீட்டு உரிமையாளர்கள் வந்து விட்டதாக கேள்வி படுகிறோம்!


பாருங்கப்பா நான் எதுவும் தப்பா சொல்லல...முன்னாடி(!) எல்லாம் பேச்சுலர்களுக்கு வீடு கொடுத்தா அவ்ளோதான் என்று சொல்லி வந்த மவராசர்கள்(!) இன்று அவர்கள் மூணு பேர் சேர்ந்தா 10000 - 15000 ரூவா வரை தருவாங்க என்பதால் ஜரூராக வீடு விடுகிறார்களாம்...

பேச்சுலரா இருக்கும் போது வருந்திய பலர்...இப்போ குடும்பஸ்தனாகி வருந்தவேண்டியதாகி விட்டது...போற போக்குல கிராமத்துல கொண்டு போய் குடும்பத்தை விட்டு புட்டு (Forced)பேச்சுலர் வாழ்கைதான் வாழனும் போல...


ஒரு சின்ன சரிபார்ப்பு...


இந்த ஹனோயிலையும் Cost of Living அதிகம்தான்...அதே நேரத்துல வீட்டு உரிமையாளர்கள் எப்படி வாடகை வசூலிக்கிராங்கன்னா...


இப்போ ஒரு டபுள் பெட்ரூம் பிளாட்டுக்கு $300 (15000 ரூவா!)என்று வைத்துக்கொள்ளுங்கள்...மூன்று மாதம் அல்லது ஆறு மாத வாடகை முன்னமே வாங்கி வைத்து கொள்கிறார்கள்..இதை மாதம் மாதம் கழித்து வருகிறார்கள்...ஆறு மாதம் முடிந்ததும் மீண்டும் முன் தொகை அடுத்த ஆறு மாதத்துக்கு தர வேண்டும்...அதுவும் வெளிநாட்டவர் என்பதால் தான் இவ்வளவு அதிகம்..அதாவது அட்வான்ஸ் என்பது மட்டுமே...மீண்டும் மாதம் ஒரு முறை வாங்க மாட்டார்கள்..


இந்த வீட்டு விஷயத்தில் முழு வசதிகளும் அடக்கம்...அதாவது..

மின்விசிறி, பிரிட்ஜ், ஏசி/ஹீட்டர் உடன், டிவிக்கள்(!), காஸ் அடுப்பு, லாக்கர், வாஷிங் மெஷின், நெட் கனக்க்ஷன்(மாதம் தனி!), சோபாக்கள், இப்படி பல வசதிகள் உண்டு...இதெல்லாம் நம்ம ஊருல இருக்க வீட்டு முதலாளிங்க செய்து கொடுப்பாங்களா..!


இந்த நாட்டு குடிமக்கள் இதில் பாதி தான் தருகிறார்கள்...அப்படியே கணக்கு பார்த்தால்...ரூவாய் 7500, ஒரு குடும்பஸ்தன் மாதம் ஒரு முறை தன் பட்ஜெட்டில் இருந்து வாடகையாக செலவு செய்கிறார்..இங்கு அனைத்து குடும்பத்திலும் ஆண், பெண் பாகு பாடு இல்லாமல் வேலைக்கு செல்கிறார்கள்...வீட்டு செலவுகளை பிரித்துக்கொள்கிறார்கள்...


காலை உணவு, மதிய உணவு சில நேரங்களில் இரவு உணவு வெளியில்தான்...இப்படி வாழ்கையை வாழ்கிறார்கள்..அதுவும் குழந்தைகள் ஒன்னரை வயதில் இருந்து காப்பகத்தில் விடப்படுகின்றன..!


இவர்களுக்கு கிடைக்காத விஷயங்கள்:


சீரியல்கள் பார்க்க கிடைப்பதில்லை..


வீண் தம்பட்டம் அடித்துக்கொள்ள முடிவதில்லை..


இன்று என்ன சமையல் என்று ஆரம்பித்து...அடுத்தவர் வாழ்கையை கிண்டி பார்க்கும் அளவுக்கு போன் செலவு செய்வதில்லை...

மொத்தத்தில் நேரம் இருப்பதில்லை...இப்படியெல்லாமா இருக்கறது...ஒரு பொறுப்பு வேணாம்..


கொசுறு: நீயும் பொம்மை நானும் பொம்மை நெனச்சி பாத்தா எல்லாம் பொம்மை!