ஹலோ நான் யூத்துங்க! - (youth!)

வணக்கம் நண்பர்களே...

இப்பல்லாம் இந்த வரிகளை கேக்காம இருக்க முடிவதில்லை...


”சார் சார் நான் யூத்துங்க!”...நீங்க உத்து பார்த்தாலும்(!) ப்ர்ர்வால்ல... உடனே நம்புங்க நான் உண்மையிலேயே யூத்து தாங்க!..என்பவர் பலர்...(!)


யூத் என்பது இளமை சம்பந்தப்பட்டதா என்றால்...ஹெஹெ...நான் எப்படி சொல்ல முடியும்...ஏன்னா, நானும் பலரைப்போல மனதால் யூத்து என்றே சொல்லி வருபவன் ஆச்சே...சரி விடுங்க மேட்டருக்கு வருவோம்..சாரிபா விசயத்துக்கு வருவோம்..


ஆபீஸுல இருக்க உதவியாளினி ஒருவருக்கு திடீரென்று விபத்து ஏற்பட்டு போனதால்...அவசரமாக இன்னொரு உதவியாளினி எடுக்க வேண்டிய நிர்பந்தம்(!) ஏற்பட்டது...


நேர்முகத்தேர்வுக்கு வந்த பெண்கள்(!) ரொம்பவே பாந்தமா உரையாடினாங்க...


அதில் ஒரு பெண்ணிடம் அவளின் வேலை பற்றிய பார்வை(View!) என்ன என்று கேட்டபோது...


நான் ஏற்கனவே HR(human resources) இல் ஆறுமாத காலம் வேலை செய்து இருக்கிறேன் ...என் வரும்படி $400(=20,000 - ரூவா!) என்றாள்..இது ஒரு சாதாரண மொழிமாற்று வேலை அவ்வளவே...இதில் ஒன்றும் பெரிய விசயம் இல்லை...


சரி...உங்க பே ஸ்லிப் கொண்டுவந்து காட்ட முடியுமா என்றேன்...

அது முடியாது...இங்கு பல கம்பனிகளில் அப்படி கொடுக்கப்படுவதில்லை...என்றாள்!


சரி உங்களின் வேலை நேரம் பற்றி சொல்லுங்கள் என்றேன்..


காலை 8.30 - 11.30....1.30 - 5 என்றாள்...


மொத்தம் ஆறுமணி முப்பது நிமிடங்கள் மட்டுமா..இங்கு எட்டு மணி நேர உழைப்பு தேவைப்படுகிறதே என்றேன்...


அவள் சொல்லிய விஷயங்கள் என்னை யோசிக்க வைத்தது...


நீங்கள் இங்கு வந்து எங்களின் உழைப்பை தேடுகிறீர்கள்...எனவே...நீங்கள் தான் எங்களை அனுசரித்து செல்ல வேண்டும்...இது தவிர சாட் செய்யக்கூடாது என்று சொல்லக்கூடாது...தனிப்பட்ட(personal!)போன் பேசக் கூடாதுன்னு சொல்லக்கூடாது..நாங்கள்லாம் யூத்து என்றாள்..


இப்படில்லாம் இருந்தா...எப்பதான் வேலைய பாப்பீங்க என்றேன்...


அதைப்பற்றி கவலைப்படாதீங்க..அது பாட்டுக்கு நடக்கும் என்றாள்..


இப்படி வேலைக்கு தேடி வந்த இடத்தில் தைரியமாக பேசிய ஆட்களை நான் முதல் முறையாக பார்க்கிறேன்..


நீ போயிட்டு வாம்மா...உனக்கு புண்ணியமா போகும்...முதல்லியே சொல்லிட்டியே...நன்றி...கெளம்பு காத்து வரட்டும் என்றேன்..!


அந்தப்பெண் நினைத்து இருந்தால்...இப்படி சொல்லாமல் வேலையில் இணைந்து கொண்டு...அவள் சொல்லியதை செய்தும் இருக்க முடியும்...தங்கள் தேவைகளை வெளிப்படியாக சொல்லிச் செல்பவர்கள் சிலரே...

இதுல முக்கியமான விசயம்...என்னைய கடைசி வரைக்கும் யாருமே...யூத்துன்னு ஒத்துக்கவே இல்லை..பேடு கேர்ள்ஸ்...அண்டு பேடு திங்கிங்!...நான் யூத்து தானுங்கோன்னு ஓங்கி கத்தனும் போல இருந்துது...(வயசு போன காலத்துல ஏன்யா உனக்கு இந்த கொல வெறி!)


ச்சே...என்ன வாழ்க்கைடா இது...இவங்களை எல்லாம் வச்சி வேலை வாங்குறவன் நிலைமை...!


மெசேஜ் சொல்றாராம்: அதாவது என் பார்வையில்... யூத் என்பது உலக மாற்றத்துக்கு ஏற்றாற்போல தம்மையும் தம் சிந்தனைகளையும் செதுக்கி கொள்வதை எப்போதும் கருப்பொருளாக கொண்டவர்களே,,,...இந்த விசயத்துக்கு தகுதியானார்கள் என்று நம்புகிறேன்...(ஒருவழியா சமாளிச்சிட்டேன் போல ஹெஹெ!)